Fuglafóðursjálfsalar við Tjörnina

Allir tjarnarfuglarnir fái góða fæðu

Það hefur sýnt sig að brauðgjöfin veldur mengun í Tjörninni (ofauðgun á næringarefnum sem skyggir Tjörnina meðal annars), hvort sem er að vetri eða sumri.

Með því að setja upp sjálfsala með fóðri fyrir endur og gæsir við Tjörnina má koma í veg fyrir að verið sé að fóðra þær á brauði sem bæði mengar Tjörnina og dregur að máva. Sjálfsalarnir væru þannig úr garði gerðir að fuglarnir gætu sjálfir náð sér í fæðuna og svo væri önnur tegund þar sem fólk getur keypt fóður og gefið fuglunum. Þannig verður ennþá hægt að fara niður að Tjörn og gefa fuglunum.

Fuglarnir á Tjörninni hafa nóg æti. Nýjustu aðgerðir í Vatnsmýri hafa bætt fuglalífið umtalsvert. Ekki er nauðsynlegt að fóðra fuglana nema þegar frosthörkur og jarðbönn gera þeim lífið leitt í ætisleit. Þá ætti borgin að huga að því að gefa þeim fuglum sem dvelja hér allan veturinn. Ekkert er að því að fólk gefi fuglunum brauð yfir vetrartímann. Brauðgjafir á sumrin eru hins vegar með öllu óþarfar og laða að vargfugl sem gerir andfuglum og ungum þeirra lífið leitt.