Við Fornhaga eru tvö mjög falleg leiksvæði. Þau þarfnast sárlega viðhalds. Svæðin mætti líka gera meira aðlaðandi með bekkjum og jafnvel aðstöðu fyrir hlaupa- eða hjólafólk. Á öðru hvoru svæðinu mætti þess vegna koma fyrir körfum eða mörkum. Mikilvægast er þó að sinna viðhaldi á þeim leiktækjum sem þegar eru til staðar.
Leiksvæðin eru mjög vel staðsett og vel gróin. Þar er því ákaflega skjólgott. Leiktækin á svæðinu eru mjög illa farin og ef fram fer sem horfir án þess að nokkur sé að gert breytast þau í slysagildrur. Þrátt fyrir að svæðunum hafi nánast ekkert verið haldið við síðustu ár eru þau mikið notuð af fjölskyldufólki allan ársins hring. Á svæðinu sem nær er Tómasarhaga er líka hóll sem hentar mjög vel til þess að renna sér á sleða eða snjóþotu.
Þessi hugmynd var færð úr Hverfið mitt 2016 og hægt er að finna hana hér: https://hverfid-mitt-2016.betrireykjavik.is/post/7760
This content is created by the open source Your Priorities citizen engagement platform designed by the non profit Citizens Foundation