Leið 5 þjónusti áfram um helgar

Mér finnst nú mjög óþægilegt að nota strætó á helgartíma, eftir að leið 5 hættir að þjónusta um helgar. Ef ég fer t.d. niðrí kringlu, þarf ég að fara með leið 19 frá Hraunsás og út í gerði til að ná leið 6 til að komast uppí Kringlu, en ef ég fer t.d. niðrí Smáralind, þarf ég að fara með leið 19 frá Hraunsás og út í Ártúni og bíða þar í 26 mínútur eftir leið 24. Þetta gengur ekki.

Ég vil líka benda á að leið 19 sem þjónar Árbæjarhverfi um kvöld og helgar er venjulega og reyndar samkvæmt áætlun nýfarin framhjá Ártúni á leið uppí Árbæ þegar leið 6 og leið 15 koma þangað neðan úr bæ, sem þýðir þá að þú þarft að bíða þar í tæpan hálftíma eftir næsta vagni. Það væri mun hentugara að leið 5 sinnti Árbæjarhverfi um kvöld og helgar og væri samstillt leiðum 6 og 15 ef ekki kemur til greina að hafa bæði 19 og 5 í gangi í einu. Þótt ég búi sjálf á hentugum stað fyrir báðar leiðir þá hef ég veitt því eftirtekt hvað stoppistöðvar leiðar 19 eru fjarri íbúabyggð í neðri hluta hverfis en þar þurfa íbúar að fara upp að Árbæjarskóla, að Bæjarbraut eða niður í verksmiðjuhverfi nálægt Mjólkursamsölunni til að taka strætó um kvöld og helgar. Þjónustustig Strætó í Árbæ er mjög slakt.

Nákvæmlega, og ég tala nú ekki um að fólk sem býr t.d. í götum og nálægt götum þar sem leið 5 stoppar, það gæti þurft að labba dálitla leið til að taka strætó um kvöld og helgar.