Að nýrri nýtni Reykjavíkurflugvallar

Í Berlín hefur yfirgefnum flugvelli verið breytt í almenningsgarð. Garðurinn heitir Tempelhofer og er í hjarta þýsku höfuðborgarinnar. Garðurinn er kærkomið víðfermi fyrir borgarbúa, sem nýta hann til hlaupa, hjólreiða, tónleikahalds, hátíðarhalda og síðast en ekki síst garðyrkju. Í heimsókn minni þangað á dögunum rann upp fyrir mér að framtíðin felst í slíkum hugmyndum og Reykjavíkurflugvöllur gæti sómað sér vel sem almennings og/eða- samfélags-garður líkt og Tempelhofer.

Þetta er nú alger vitleysa að fara að breyta Reykjavíkurflugvelli í einhvern almenningsgarð eða eitthvað. Hvað á þá að verða um Reykjavíkurflugvöll? Hvar ætti hann þá að vera? Flugvöllurinn er að mínu mati nýttur til hins ýtrasta og því er engin ástæða til að breyta honum í einhvern almenningsgarð. Það þyrfti þá að rífa niður flugvallarbygginguna, öll flugskýli, flugvöllinn sjálfan, það þyrfti að byggja nýjan flugvöll, nýja flugstöð og ný flugskýli,

það þyrfti að koma öllum flugvélum á nýjan flugvöll og það þyrfti að koma öllum töskubílunum, bensínbílunum og hleðslubílunum yfir á nýja flugvöllinn. Allt þetta saman kostar mikla peninga. Mikla peninga! Það er bara ekki heil brú í þessu. Þetta er bara gjörsamlega út í hött. Af hverju ekki að hafa flugvöllinn áfram þar sem hann er í Vatnsmýrinni?