Að kettir beri bjöllur yfir varptímann, frá 1.maí - 1. ágúst

Fátt er skemmtilegra en að fylgjast með hreiðurgerð og varpi smáfugla innan borgarinnar. Allt of margir fuglar og ungar þeirra lenda í munni katta yfir varptímann. Einföld leið til að vinna gegn þessu er að skylda kattaeigendur til að setja bjöllur á ketti frá 1. maí til 1. ágúst. Umferð hunda er bönnuð í Heiðmörk og á Gróttu til verndar fuglum á sumrin og virðist það haga skilað góðum árangri. Setjum bjöllur á kettina okkar yfir varptímann og njótum þess að heyra meiri fuglasöng í borginni.

Sammála og auk þess skráðir og örmerktir.

Kettir eiga að vera með bjöllu alltaf - ekki bara á þessum tíma.

Ég er svo sammála þessu! Bjó sjálf á Leifsgötunni þar sem er ekkert fuglalíf eftir, en nóg af breimandi köttum í öllum görðum. Er með hugmynd hér inni um að sömu lög verði sett á kattahald eins og á hundahald. Viltu kjósa mína hugmynd? Hef sett atkvæði á þína.

Bjöllur á ketti kemur ekki í veg fyrir að þeir drepi unga sem ekki geta flogið. Það mætti alveg banna lausagang katta í þéttbýli.