Lægra útsvar í Reykjavík

Reykvíkingar fara betur með peningana sína en ráðhúsið. Í þrengingum eins og núna eigum við að skilja sem allra flestar krónur eftir í vösum borgarbúa og leyfa þeim að eyða þeim í skemmtilega/skynsamlega hluti. Því miður þandist kerfið út í góðærinu og það er því enn hægt að spara þar. Við eigum þess vegna að spara meira, lækka skattana og auðvelda þannig fólkinu að skapa og hrinda hugmyndum í framkvæmd sem munu að lokum gefa af sér miklu meira en þær krónur sem teknar eru með hámarksútsvari.

Alveg rétt! Varst þú Gísli Marteinn launaður sem borgarfulltrúi á meðan þú varst við nám í Edinborg 2008???

Algjörlega rétt Gísli að það er hægt að spara mikið, en væri ekki ögn heiðarlegara að nálgast þessa umræðu með því að koma með kjarngóðar tillögur um nákvæmlega hvar ætti að spara og hvernig, og tala um hvaða áhrif það myndi hafa á þjónustustigið og hvaða sparnað það hefði í för með sér, frekar en að tala almennt um útsvarslækkun eins og það sé einhverskonar galdralausn? Það er alltaf ágætt að smækka báknið, en ég vil vita hvernig. Tillögur?