Laga og betrumbæta aðstöðu og aðkomu á Geldinganesi.

Geldinganes er annar af tveimur stöðum sem má leyfa hundum að hlaupa lausum. Það er löngu kominn tími á að laga aðstöðu og ekki síður aðkomuna þar. Vegurinn yfir eyðið er skelfilegur og eftir að lokað var fyrir bílaumferð inn á nesið þá þarf að gera betri svæði til að skilja bílana eftir. Bekkir og jafnvel skjólgirðingar eða gróður myndu bæta aðstöðu mikið. Göngustígur eða troðningur í kringum nesið væri svo toppurinn og myndi auka mjög á útivistarmöguleika á þessu víðáttumikla og fallega svæði

Bætum aðstöðu og aðkomu að Geldinganesi

Það er ekki mikill tilkostnaður við þetta og tel ég alls ekki til of mikils mælst að eitthvað það þessum 30-50 m. sem hundaeigendur greiða árlega fari í að bæta þessa aðstöðu. Þarna myndu líka fleiri njóta betri aðstöðu til útivistar en að sjálfsögðu einnig að gera sér grein fyrir því að þetta (því miður) er einn af fáum stöðum sem hundar og eigendur þeirra hafa líka rétt.

Þessi hugmynd hefur verið flutt úr flokknum frístundir og útivist í flokkinn framkvæmdir.